Adebayor-a'n Turkey pan a tum lo

Tottenham Hotspurs striker Emmanuel Ade­bayor chuan season thara Turkey lam pan tur anga an sawi chu phain a agent anga insawi Mehdi Isik chua agent a nih loh thu a sawi bawk.

Tunhnaia chhungkaw boruak ṭha lo vanga talbuai tak Adebayor hi a agent anga insawi Mehdi Isik chuan Tur­key Super Lig lam pan tur angin a sawi a, Galatasaray-a Didier Drogba hlawhtlinna ang tem ve a chak niin a sawi.

Mahse, Adebayor chuan he thuthang hi phain, "Turkey lam hawi anga min sawina thuthang ka lo hriatin mak ka ti hle. Ka agent anga insawi Mehdi Isik hi ka hriat ngai mi pawh a ni lo a, Turkey lama kal chungchang hi ka sawi ngai lo hrim hrim bawk. Tottenham-ah hian ka hlim em em a, season tharah an tan ṭha taka khelh ka inbeisei a ni," a ti.

Kum 31-a upa striker hian season liamtaah khan Spurs tan match 13 chiah khelin match kua-ah bul a ṭan a, goal hnih chiah a khung. Kumin January thla tir lam khan West Ham nen sawizawm an ni a, mahse a kal ta chuang lo a ni.