Football referee intuaitharna leh Referee ni thar duhte tan hun siam

Mizoram Football Association chuan All India Football Federation buatsaih Referee Development Programme chu June 22-27, 2015 chhungin a buatsaih dawn a, he hunah hian football referee nilai mek leh referee ni thar duhte tan tel theih a ni.

AIFF chuan referee instructor pahnih a rawn tir dawn a, hei hi MFA leh DFA hnuaia referee ni tawhte tan intuaitharna a ni dawn a, MFA Referee Committee chuan MFA leh DFA referee zawng zawngte tel turin a sawm. Referee Development Programme kal chhuakte hi MFA season thar inelna hrang hrangah a tam thei ang MFA chuan a chhawr thin dawn a ni.

Referee la ni lo, football referee ni thar duhte tan hun a hawng bawk. Class 10 passed chin a duh apiang tan tel theih a ni a, football player nilai tan pawh he Referee Development Programme-ah hian tel theih a ni ang. Hun tawp lamah referee puitling ni tura luh theih dan AIFF-in rem a tih chuan buatsaih tum a ni bawk ang.

He huna tel duhte chuan June 20, 2015 tlai dar 4:00 thleng MFA Office, City Park-ah in report theih a ni e.

Hre chiang duh tan phone number 9436151718-ah ngaihven theih a ni.