James a inkhel thei leh ta

Ke na vanga match hnih a inkhelh theih loh hnuah LeBron James a dam leh ta a, nimin zing khan point 18 neiina team Los Angeles Lakers chu Memphis Grizzlies lakah 116-100 in a chakpui.

Kum 39 mi James hian mimal harsatna leh ke na vangin an match hnuhnung pahnih a khel thei lo a, Lakers coach JJ Redick chuan NBA huanga point nei tam ber hi engtik thleng nge a chawlh dawn sawi thei lo mah se, match hnih hnuah a lo kir.

Grizzlies nen an inkhelh hma minute 45 chauh awm tawhah Lakers hian James inkhelh theih tur thu hi an puang a, basketball court-ah minute 34 chhung hun hmangin an chak theih nan a thawh hlawk hle.

American star James chuan, "Season 15 chu NBA ka khel tling tawh, a chang chuan mimal thil leh harsatna ṭhenkhat hi a lo thleng ve ṭhin, chumi hnua ṭha taka ka inkhel leh thei hi ka lawm," a ti.

Inkhel dangah Dallas Mavericks chuan Golden State Warriors chu 143-133 in an hneh, an chak theih nan hian Luka Doncic chuan triple double a nei.

Doncic hian NBA huanga triple double vawi 80 nei tling tur hian, point 45 neii a ṭhiante basket tur vawi 13 a siamsak bakah rebound ṭum 11 a la bawk.