Australian Open khel tur Wawrinka

Tennis season thara Grand Slam hmasa ber Austrlian Open chuan duhsak takin Stan Wawrinka hnenah wild card an pek thu an sawi a, qualifying khelh hah ngai loin tournament a hmachhawn nghal thei dawn tihna a ni.

Wawrinka hi a vanglai chuan khawvela a ṭha berte zinga mi a ni ṭhin, mahse hliamin a tlakbuak nasa. Player ṭha bik dangte nen an vanglai a inrual chungin major title pali chu a vaw chhuak thei tho.

Kum 2024 December thla chauh la ni mah se tennis season thar a hnai tawh, tun aṭanga thla khat a liam leh chuan Australian Open an khel der tawh dawn, player tan inbuatsaihna neih ngawrh a ngai chho leh tawh a ni.