Hoffenheim-in Dortmund an chelh

Bundesliga-ah Borussia Dortmund tan champion beiseina a thamral zel. Pathianni zan khan Signal Iduna Park-ah Dortmund-in Giovanni Reyna hmangin khung hmasa mah se injury time-ah Hoffenheim-in Jacob Bruun Larsen hmangin an sut.

Dortmund leh Hoffenheim te 1-1 in an inhnehtawk a, Nuri Sahin-a hoten match 14 aṭangin point 22 chauh an la hmu a, hmahruaitu Bayern Munich chu point 11 zetin an pha lo.

Inkhel dangah RB Leipzig-in Benjamin Sesko leh Lois Openda te hmangin Eintracht Frankfurt 2-1 in an hneh a, VfB Stuttgart-in Heidenheim chu 3-1 in an hneh bawk.

Leipzig leh Frankfurt te hian point 27 hmuin a sang pali zingah an tel pha ve ve a, goal difference nei ṭha zawk Frankfurt hi pathumnaah an awm.

Krismas chawlh hmain round khat khelh tur a la awm dawn a, Leipzig-in December 20, Zirtawpni zan hian Allianz Arena-ah hmahruaitu Bayern Munich an lenchilh ang.