State Karate Championship ṭan

All Mizoram Karate Association buatsaih 28th AMKA State Karate Championship 2024-25 chu nimin khan Dawrpui Multipurpose Centre-ah ṭan a ni a, Mizoram sports minister Lalnghinglova Hmar chuan khuallian niin, a bul ṭan ni hi a hmanpui.

Tetea Hmar chuan, "Karate hi Mizote thiam chi tak niin, national level-ah gold kan la thei ṭhinte pawh a lawmawm. Asian Games 2026-ah Karate a tel tawh dawn a, Mizote kan tel ve thei ang em? tih erawh ngaihtuah tel a ṭul," a ti a, international level thlir chunga coach education a pawimawh thu sawiin, sorkar leh khawtlang nen ṭangkawpa, theihtawp chhuah a nih tur thu a sawi bawk.

Mizoram huap Karate inelna hi vawiinah zawh a ni ang. Inelnaah hian Dojo 16 telin, player 289 an ni a, Sub-Junior & Cadet Individual Kata leh Junior & Senior mipa leh hmeichhiaten inelna hmachhawnin, mipa 168 leh hmeichhia 121 an tel thei a ni.