Brazil-ah MotoGP an tlan leh dawn

MotoGP chu Brazil ramah kum 2026 aṭangin tlan a ni leh dawn, khawvela bike intlansiakna sang ber hi Ayrton Senna circuit-ah kum nga chhung tlan turin inremna an siam fel tawh a ni.

Ayrton Senna circuit hi Brasilia aṭanga 200km a hlaa awm niin, kum 1987-89 chhung khan MotoGP hi an lo tlan tawh a, chumi hnuah Sao Paulo leh Rio de Janeiro lamah an tlan, tunah chuan a hmun hmasa lamah an kir leh dawn.

MotoGP neitu Dorna Sports CEO Carmelo Ezpeleta chuan, "Brazil hian infiammi ropui tak tak a nei tawh ṭhin a, tunah pawh infiamna peng hrang hrangah a nei mek, anni nena inremna kan nei thei hi hmasawnna duhawm a ni," a ti.