Sinner chungchang fel rih dawn lo

Mipa tennis world number 1 Jannik Sinner chungchang chu kuminah a fel hman dawn lo, damdawi hman phal hman leh hman loh chungchang ngaihtuahtu World Anti-Doping Agency (WADA) chuan he thu hi an sawi chiang tawh a ni.

Italian tlangval hi damdawi hman phal lo hmanga puh a ni a, puh a nihna hi infiamna lam thubuai ngaihtuahtu sang ber Court of Arbitration for Sport (CAS) hnenah a khinglet - CAS hian kuminah thutlukna an puang hman dawn lo.

WADA director general Olivier Niggli chuan, "Kuminah chuan thuchiang a awm dawn lo," a ti. Kumin March thla khan Sinner hian damdawi hman phal loh a hmang tih hriat a ni a, mahse tih luih vang nia an ngaih loh avangin tennis a la khel chhunzawm.

Amaherawhchu, a chungchang hi ngaihtuah a ni tho a, kum thar lamah chuan thu chiang zawk hriat theih a rinawm.