La Liga match hnih awm dawn

Spanish top flight league-ah naktuk zing dar 2:00 hian match hnih khelh tur a awm dawn a, Villarreal chuan Rayo Vallecano mikhualin, Espanyol chuan Valencia an mikhual bawk ang.

Villarreal hian season ṭantir lamah Champions League-te hial sawi ri ve hman mah se, tun hnaiah beisei an phak lo a, an league match hnuhnung paliah chak an nei lo - Real nena inhnehtawk hlim Vallecano lakah insiamṭhat an tum ang.

Spanish football-a hming langsar pawl ni reng ṭhin Valencia-in season an hmang chhe takzet a, tun season-a match 17 khelh tawhah vawi hnih chiah an la chak ve! Team 20 inelnaah table mawngphah luahtu an ni mek.

Club legend Rubén Baraja kaihhruaina hnuaiah, season hmasaah an him hram a, tun season-ah him leh an duh chuan Spain international hlui hian a team a chakpui ṭan a ṭul - table-a 18-na dinhmun luah mektu Espanyol hi a bul ṭan nan hman an tum ang.