Vawiin aṭangin last 16 khelh a ni dawn
Mizoram Basketball Association buatsaih MBBA Season Opening Tournament-ah team 16 chiah an dam tawh a, vawiin aṭangin Hawla Indoor Stadium, Republic Vengthlang-ah pre quarterfinal khelh a ni ang.
Season Opening Tournament-ah hian club 42 an tel a, Mizoram Super League club paruk Chaltlang Ryders, Khatla TBL, Mission Veng Vikings, Tuikual South, Zarkawt BCA leh Zarkawt Serpents ten Round of 32 aṭangin an khel ṭan a, an la dam vek.
MSL club paruk bakah hian Division I aṭangin Hollow, RSC, Dawrpui Aces, Dawrpui Vengthar SC leh Chawnpui VR4 ten Last 16 an lut a, Division II aṭangin Aizawl Venglai, BC Bethlehem, Leitan Titans, Ramthar Veng BC leh KK ten third round hi an lut ve bawk.
MSL hnuai chiaha awm Division I-ah hian club paruk an awm a, Morning Crew chiahin Last 16 an lut lo. Division II-ah club 30 an awm a, Round of 16-ah team panga an thawh.