Serena hi ala ṭha ber - Henin

Grand Slam vawi sarih champion tawh Justine Henin chuan French Open hmeichhe champion Serena Williams chu tunlai khaw­velah chuan hmei­chhe tennis player ṭha ber ala nih thu a sawi.

Thawhṭannia ATP ranking chhuak tar berah pawh Williams hian point 11291 hmuin hma a hruai fal hle a, amah hneih bertu Petra Kvitova chuan 6870 chauh a hmu. A vawi 20 Grand Slam champion na turin Inrinni liamta khan Williams hian Lucie Safarova hnehin French Open-ah a champion.

Tennis Open Era bikah Grand Slam vawi 22 champion thei Steffi Graf bak tluk loh a nei tawh lo. Tun ang zela a kal chho a nih chuan Williams hian Steffi record hi a khum thei ngei pawhin a rinawm.

World number 1 Wi­lliam-i chu fakin Henin chuan, "A taksaah harsat­na nei lo emaw, nei pawh nise Williams hi tunlai chuan a ṭha ber a ni chiang hle. A inkhel kan en chuan chak duhna thinlung a nei tih kan hmu nghal ṭhin. A theihna kan hmuh hian tun dinhmun thlen hi a phu ka ti a, a vanduai viau a nih loh chuan tun aṭanga kum thum kum li chhung chu ṭha takin ala inkhel thei ang," tiin a sawi.

Belgian professional tennis player hlui kum 33-a upa Henin hian kum 2011 khan tennis a lo chawlhsan tawh a, avanglai chuan khawvel hmeichhe tennis thiam berte zing ami niin French Open-ah pawh vawi li a champion nghe nghe.