Champions League-a cham-pion duh Pogba

Juventus midfielder Paul Pogba chuan engtikah emaw chuan Champions League a champion ve ngei a duh thu a sawi.

Kum 22-a upa Pogba hi kumin Champions League final-ah khan a chak lo lamah ṭangin Spain champion Barcelona lakah 3-1 in an tlawm. An duh leh beisei pakhat Champions League-ah champion chiah lo mah se Juve hian Serie A leh Coppa Italia te chawiin season ṭha tak an hmang.

A vawi khat nana Champions League final a khelh chungchang sawiin Pogba chuan, "Chak duhin kan inkhela, kan chak lo a nih hi chuan a na hle ṭhin. Mahse, kan pawm thiam a ṭul bawk si. UCL final ka vawi khat khelhna a nih avangin ka tan chuan zir tur a tam hle. Goal vawi khat chhuah pawi zia kan zir chhuak chiang hle. Tun season-ah kan duhthusam thleng kim thei lo mah se engtikniah emaw chuan Champions League nomawi hi chawi ve ngei ka duhin ka beisei hle a ni," tiin a sawi.

Tun season-a Juve-in season duhawm tak an hman theih nan midfielder Pogba hian a thawhhlawk hle a, goal 10 lai khungin season a hmang zo a ni.