FIFA Men's World 11 : Real Madrid-in an thawh hlawk

A tirah chuan player 77 chhawp chhuah an ni a, heng mite hi FIFA.com lama inziak lut ten vote hmangin an thlang, kumin December 10 thleng khan vote hi thlak theih a ni.

La Liga leh Champions League nomawi chawitu Real Madrid chuan player an thawh hnem ber. Spanish club lian player zingah - Dani Carvajal, Antonio Rudiger, Jude Bellingham leh Vinícius Junior an lang a, an player a nih laia a khelh dan avangin Toni Kroos a la tel bawk.

Premier League club vantlang Aston Villa goalkeeper Emiliano Martínez hming a lang a, ani hian Villa chu Champions League khel tura a tlinpui bakah Argentina tan Copa America nomawi a chawi bawk.

European Championship lama Spain hlawhtlin puitu Lamine Yamal chu forward pathum zingah a tel, Barcelona hmatawng hi Erling Haaland leh Vini Jr te nen an awmkhawm a, club ai mahin ram tana a chet ṭhatna chu a lan chhana buk rit zawk a ni ang.

Nomawi chawi si loah chuan William Saliba hming a lang. France international defender hian Mikel Arteta kaihhruaina hnuaiah hmun pawimawh a chang a, Premier League match zawng zawngah a inlan kim.