Goal mawi ber khungtu Garnacho

Manchester United forward Alejandro Garnacho-a'n Everton lakah mawi lutuk maia a bin luh chu Pukas Award hlan a ni.

Nikum November thla khan Manchester United leh Everton an inkhel a, box sir lam deuh la hla ve angreng tak aṭangin Garnacho hian Diogo Dalot-a corss chu boruaka invawrh chungin a bin a, goal mawi leh ropui a khung.

A goal khung chungchang hi Garnacho chuan, "A nihna tak sawi chuan kahtiang taka mawi khan a lut thei ang tih ngaihna pawh ka hre bik lo, theih tawpa zuangin ball ka pet theih dan tur awmchhun khan ka ti tawp.

"Ball kha goal chhungah a lut em tih pawh ka hre lo a, mipui lamin 'Aw Lalpa' an tih ri ka hria a, mawi takin a lut a ni tih ka hrethiam ve chauh," tiin a goal khung chungchang a lo sawi tawh a ni.

Award a dawn hnuah Garnacho chuan, "Hetiang chawimawina ka dawng thei hi ka lawm, kei leh ka chhungkaw tan chuan hun nuam leh hlimawm a ni a, kan hre reng tawh ang," tiin Pukas Award chu a ngaihlu hle.