Goalkeeper ṭha ber Martinez

Aston Villa goalkeeper Emiliano Martinez chu Best FIFA Men’s Goalkeeper Award hlan a ni, si ban nghaktu ṭha ber chawimawina hi a vawi hnih dawnna a ni.

Kum 32 mi Martinez hian nikum khan Argentina chu Copa America nomawi a chawipui a, an champion theih nan a thawh hlawk hle. Group stage bikah phei chuan goal a chhuah miah lo.

Quarterfinal-ah penalty vawi hnih a dang a, semifinal leh final an khelh ṭumin goal a chhuah leh miah lo bawk - kum 2022 khan he chawimawina hi a lo dawng tawh bawk a ni.

Kumin tir lam khan Martinez hian a zawna a vawi hnih nan Yashin Trophy a lo dawng tawh bawk - season hmasa khan Aston Villa tan a khel ṭha hle a, Premier League club hi UEFA Champions League khel turin a tlin phah hial.