NBA Cup-ah Bucks an champion

NBA Cup final-ah nimin zing khan Milwaukee Bucks chuan Oklahoma City Thunder chu 97-81 a hnehin an champion. Bucks tan Giannis Antetokounmpo-a'n triple-double a nei a, nomawi an chawina kawngah a pawimawh hle.

Season laihawla neih inelna hi season liam ta aṭanga ṭan kha a ni a, kumin inelna semifinal leh final hi T-Mobile Arena, Las Vegas-ah khelh a ni.

Most Valuable Player atana thlan Antetokounmpo hian 26 points a neih bakah 19 rebounds leh 10 assists te a nei a, amah bakah hian point 23 neitu Damian Lillard a khel ṭha bawk.

Bucks hian final lut turin Atlanta Hawks chu semifinal-ah 110-102 in an hneh a, Thunder hian Houston Rockets chu 111-96 in an hneh. Nikuma neih inelna hmasa berah khan Los Angeles Lakers an champion a, LeBron James chu MVP atana thlan a ni.