Ruahsurin India a chhan

Australia leh India ten December 14-18, 2024 khan Test match vawi nga khelh tura vawi hnihna an khel a, ruahsurin mikhual team chhanin an inhnehtawk. Test match li thumna hi December 26-30, 2024 hian an khel leh dawn a, tun dinhmunah 1-1 in an inhnehtawk mek.

The Gabba, Brisbane-a inkhelah India-in vawm hmasak an thlang a, Australia-in bul an ṭan ṭha hle. Steve Smith (101) leh Travis Head (152) ten century an siam a, first innings-ah 445 runs an vaw chhuak.

India bat hun a thleng a, Australian bowler Mitchell Starc (83/3) leh Pat Cummins (81/4) te che ṭha mah se KL Rahul (84 runs) leh Ravindra (77) zarah India an tlusawp bik lo. A tawp lamah Jasprit Bumrah (10*) leh Akash Deep (31) te an ṭang thei a, mikhual team-in 260 runs an siam a, 'follow on' an pumpelh.

Men in Blue bat tawp lam hnaiah ruah a sur a, first innings zawhah ruah a sur leh bawk. Australia-in ni nganaah chak ngei tumin an bat a, 89/7 runs an siam tihin an duhtawk a, India tan target 275 an chhawpsak.

Mikhual team-in wicket an hloh tawh lo a, run riat an siam tihin ni ngana a zo. Test match vawi thumnaah ni hnihna tih loah chuan ruah a sur vek a, India-in an vanneihpui hle.

Australian captain Pat Cummins chuan, "Kan thawhrimna leh inpekna a fakawm a, han chak hram thei ila, lawm a kim ang," tiin a sawi a, Test match khelh leh turah chak ngei an tum thu a sawi bawk.