Kan ṭhat dan a lang - Howe

Newcastle United manager Eddie Howe chu Brentford laka a naute khelh danah a lungawi hle a, an team ṭhat dan tak an pho chhuak thei ta niin a sawi.

Magpies hian Nilaini zan khan League Cup quarterfinal-ah Brentford an hmachhawn a, an mikhual hi 3-1 in an hneh - Sandro Tonali chuan goal hnih a khung bakah Fabian Schar-a'n a khung bawk.

Howe chuan, "Team pum kan khel ṭha, a bik takin Sandro khelh dan khan min ti lawm, goal hnih a khung a nih chuan a khel ṭha tih sawi hran ngai loin a chiang nghal hle.

"Danglamna thlen thei tura kan beisei a ni a, kan lakluh chhan pawh a ni. Tunah chuan a theihna sang tak kan kan hmuh chhunzawm zel pawh ka beisei," tiin a sawi.

Kum 24 mi Tonali hian pawisa inthapna lamah dan a bawhchhiat avangin thla 10 chhung hrem a ni a, hremna a hman zawh hnuah a lo kir leh a ni a, tun hnaiah Juventus pan tur anga sawi ni mah se Howe hnuaiah a khel rih dawn niin a lang.