Tualchhung taekwondo inelna nei

Mizoram Anateur Taekwondo Association buatsaihin - Taekwondo Festival hman a ni a, breaking championship, senior black belt exam bakah national referee pass tharte hnena certificate hlan a ni.

Mizoram official breaking championship inelnaah hian power breaking inelna pathum - sah (chop), hnek (punch), nghawk (elbow) te bakah speed breaking, high kick leh freestyle poomsae hmanga inelna neih a ni.

Inelna pumpuiah Zohmingthanga, TABF/Bilkhawthlir chuan gold medal pathum, silver medal pahnih leh bronze medal pahnih lain Best Breaker a ni.

Kumin May thlaa national taekwondo referee exam result chhuakah, Mizo exam 13 an pass a, an hnenah certificate hlan a ni. Federation remtihnain world taekwondo black belt exam buatsaih a ni nghal bawk a, mi 10 in exam hi ṭha takin an paltlang thei. Physical test, basic, poomsae, sparring leh self defence test an nei vek.