Wolves coach thar Pereira

Premier League club Wolverhampton Wanderers chuan coach thar atan Vitor Pereira an la lut ta a, English football-a Saudi Pro League club Al Shabab coach la lut tur hian euro maktaduai khat an inseng.

Pereira hian December 15-a ban tak Gary O’Neil-a hmun ruak a luah dawn a, Wolves-ah hian thla 18 chhung hnathawk turin contract a ziak - Pathianni zan Premier League-a Leicester City an lenchilh hunah Wolves hi a enkawl nghal ang.

O'Neil thlaktu Pereira hian Saudi Pro League club Al Shabab chu season hmasa khan pariatna a nihpui a, tun season-ah match 13 khel tawhin, vawi sarih a chakpui a, table-ah pasarihna dinhmun an luah mek.

Ak Shabab-ah hian Atletico Madrid winger hlui Yannick Carrasco pawh a khel mek a, season hmnasa khan Barcelona midfielder hlui Ivan Rakitic chu Saudi club-ah hian a lo khel tawh bawk.

Portuguese coach hi nomawi chawi lamah pawh a inthlahrung lo. FC Porto, Olympiakos leh Shanghai SIPG te chu league nomawi lo chawipui tawhin, club langsar zingah Fenerbahce, Corinthians leh Flamengo a lo enkawl tawh bawk a, Premier League pressure sangah talbuai lo tura beisei a ni.

Wolves hi team 20 inelna Premier League-ah 19-na an ni mek a, league match 16 an khelh tawhah vawi hnih chiah la chak vein, vawi thum an khingpui an inhnehtawkpui a, point kua chiah an la nei.

Pereira hoin an dinhmun duhawm lo tak aṭanga talchhuah an tum dawn a, kum 56 mi coach tan hna awlsam tak a ni dawn lo tih a chiang.