Halep-i wildcard an pe

Tennis season thara Grand Slam hmasa ber tur Australian Open chuan Simona Halep hnenah qualifying khel turin wildcard an pe, a ranking aṭanga teh chuan inlan thei lo tur a ni.

Romanian star hi damdawi hman phal loh hmanga puh a ni a, fiahna a paltlang lo - kum li chhung atan hrem a ni bawk. Mahse, hremna hi thla kua atan tih tawisak a ni a, a inkhel thei leh tawh tihna a ni.

A vanglai chuan Halep hi world number 1 hial a ni phak - inelna ngaihhlut zingah French Open leh Wimbledon title pawh a la. Mahse, a inkhelh loh rei em avangin a ranking a hniam a, tun dinhmunah world number 877 a ni phak chauh.

Kum 33 mi Halep chuan, "Tennis season thar lo awm tur atan ka inbuatsaih ṭha hle a, kawng hrang hrangin inbuatsaihna ka nei. Australian Open lamin qualifying khelh theihna remchang min siamsak hi ka lawm," a ti.

Australian Open 2024 qualifying hi nakkum Janaury 6-9 chhunga khelh tur a ni dawn a, inelna pangngai chu January 12 aṭangin an khel thung ang, main draw thleng tur chuan qualifying paltlang hmasak a ngai.