Goa khelmualah Bagan leng dawn

Indian Super League inkhelah zanin dar 7:30 hian FC Goa chuan Mohun Bagan an mikhual dawn a, club pahnih hi tun hnaia result nei ṭha an nih avangin an inkhel tur en a châkawm hle.

Bagan hian season duhawm tak an hmang mek a, league match 11 khelh tawhah vawi khat chiah la tlawmin, vawi riat an chak tawh a, table chung ber an luah mek - Bagan kaltluang lai tibuai thei an awm a nih erawh chuan FC Goa hi an ni ngei ang.

Goan club hian season ṭantir lamah beisei phak lo mah se, an league match hnuhnung pasarihah tlawm an nei tawh lo a, Manolo Marquez-a nauten harhtharna an chan theihna kawngah Dinthar tlangval Ayush Chhetri chu player pawimawh a ni.

Bagan hian Lalengmawia Ralte (Apuia) an kawl bawk a, Indian football ngaina tan chuan zanina Mizoram mifielder ṭha pahnih intawng tur hi en châkawm a tling.