Messi-a dilna Barce-lona court-in a hnawl

Barcelona thiampuipa Lionel Messi chuan chhiah awl ru a an puhna chungchangah phatna lehkha thehlut mahse Barcelona chuan a insawifiahna hi a pawmsak lo a, court hmaa inlan ngei turin a hriattir.

Nou Camp fachuam Messi leh a pa leh agent ni bawk Jorge Horacio Messi te chu Barcelona court chuan kum 2007 leh 2009 inkara euro maktaduai 4.1 chhiah awl ru ah an puh a ni.

Argentina captain leh a pa te hi company hrang hrang Banco Sabadell, Danone, Adidas, Pepsi-Cola, Procter and Gam­ble leh Kuwait Food Company te nena an thawhhona aṭanga chhiah pe loah puh an ni.

Messi hian an chhung­kaw sum leh pai che vel engmah a hriat loh thu leh a pa kutah engkim a awm thu sawi mahse a insawifiahna hi Barcelona Provincial High Court chuan a pawm miau loh avangin court-ah a inlan a ngai dawn a ni.