Arsenal-in Diaby an chhuah dawn

London club Arse­nal chuan an centre midfielder Abou Diaby chu contarct thar ziah pui loin an chhuah zalen dawn. Tun thla tawp rual hian Arsenal-a Diaby contarct neihlai hi a tawp zui ve tawh dawn a ni.

French international midfielder hian kum kaw chhung a lo chamchilh tawh North London club hi chhuahsanin season tharah chuan a duh lam a hawi thei dawn tih na a ni.

Hliam vangin tun sea­son-ah Diaby hmel kan hmu ngai meuh lo a, season liamta khan Pre­mier League match khat chiah a khel nghe nghe. A hliam a dam hnuah pawh beisei anga a taksa a fit ṭhat tawh theih loh avangin Arsenal manager Arsene Wenger chuan a chungah rinna a nghat ngam tawh lo.

Kum 29-a upa Diaby hian kum 2006 khan Auxerre aṭangin Gunners hi a zawm a, a club tan hian match 124 khel tawhin goal 14 a khung.

Arsenal hi an inṭhuah fai dawn niin a lang a, Diaby bakah hian Japanese winger Ryo Miyaichi leh academy player panga chu tun nipui transfer hunah an chhuah dawn.