NFC-ah Mizo hmeichhe referee

28th Senior Women's Naitonal Football Championship for Rajmata Jijabai Trophy chu Narayanpur, Chhattisgarh-ah khelh mek a ni a, Mizo nula pahnih Lalhruaizeli (Nupuii) leh Lalthansangi te chuan inelnaah hian assistant referee hna an chelh.

ITI Veng nula Nupuii leh Bilkhawthlir Thansangi te hi Mizoram hmeichhe football team-a hmun pawimawh chang pha an ni a, match official lamah pawh an rintlak hle. Rajmata Jijabai Trophy bakah hian Indian Women's League te pawh an lo kaihruai tawh a, Mizorama football inelna sang ber Mizoram Premier League-ah pawh referee ṭha zinga mi an ni.

Rajmata Jijabai Trophy-ah hian team team 10-in final round an lut a, group A-ah Manipur, Odisha, Jharkhand, Tamil Nadu leh Maharashtra te awmin group B-ah Haryana, West Bengal, Railways, Sikkim leh Punjab te an awm. Final hi December 23, Thawhṭannia khelh tur a ni.