Madih Talal inlan dawn tawh lo

East Bengal midfielder Madih Talal chu tun season a inlan thei tawh dawn lo - Talal hi December 12 zana Odisha nen an inkhelh ṭumin a inhliam a, a khup hliam vang hian season tawp thleng a inlan tawh loh tur thu Kolkata club chuan an puang.

Kum 27 mi Talal hian season hmasa khan Punjab FC tan khelin, ISL-a a season hmasa berah hian a hming a chher nghal a, match 22-ah goal ruk khungin, assist vawi 10 a nei.

East Bengal lo lang vatin, French attacking midfielder hi Kolkata lamah an thlem lut a, kum hnih atan contract an ziahpui. Mahse, Talal hian league match 10 a khelh tawhah goal khat chiah la khungin, assist vawi khat chiah a nei a, beisei a phak lo - tunah a inhliam zui!

Kolkata club hi zanin dar 7:30-ah league match khel turin an inlan zui dawn a, an coach hlui Khalid Jamil-a enkawl Jamshedpur FC an mikhual dawn. Team pahnih hi tun hnaia harhtharna chang ve ve an ni a, an khel a hmuhnawm ang.