Perez thlaktu Lawson

Red Bull chuan Sergio Perez an mangṭha hnu lawkah a hmunruak luah tur an lalut nghal, season thar aṭangin Liam Lawson chu an car khalhtu pakhat zawk a ni ang, champion lai Max Verstappen nen an tlan dun dawn a ni.

Season hmasa khan Red Bull hi team champion an ni phak lo, season chawhnu lamah an elpui McLaren an phak lo a ni - Max cheṭha mahs e Perez a che hleithei lo a, contract an neih laia chu inhriatthiam tawnna in an ti tawp.

Perez thlaktu tur, kum 21 mi Lawson chuan, "Red Bull driver ni tura ka hming an han puang ve mai chu thil mak tak a ni, naupan lai aṭanga ka duhthusam neih ṭhin chu tunah a takin a lo thleng dik dawn ta," tiin a sawi.