James ropui niah Lakers an chak

LeBron James chu NBA huanga minute khel tam ber a ni ta. Nimin zing khan James hian mimal record a siam bakah a team Los Angeles Lakers chu Sacramento Kings lakah 113-110 in a chak pui.

Golden 1 Center-a inkhelah James hi minute 19 chhung a inlan, basketball inelan ngaihhlut berah hian minute 57,447 tehmeuh a inkhel tawh a, a sulhnu hi a nep lo hle.

NBA huanga point score hnem ber ni bawk James chuan, "Hetiang thil a lo thlen theih chhan chu basketball ka hmangaih vang a ni a, hahchawlhna hun pawh nei mumal lo khawpa ka beihna chu a tawpah a lo lang chhuaik," tiin a sawi.

Inkhel dangah Brooklyn Nets centre Nic Claxton chu mipui zinga ball a vawm avangin hnawhchhuah a ni a, a team Nets erawh Toronto Raptors lakah 101-94 in an chak ta tho.

Zach LaVine pawhin match ṭha bik a khel, season kal laiah match khata point a neih tam ber (36 points) ṭum tawngin Chicago Bulls chu Boston Celtics hmaah 117-108 in a chakpui a ni.