Player siksawi chhan chu team ṭhatna tur - Motta

Juventus manager Thiago Motta chuan team an hmachhawn tur a zirin player siksawi ṭhin tih a sawi a, tumah duhsak leh thlauhthlak bik an awm lo tih a sawi bawk - Old Lady hian Pathianni zan dar 1:15-ah Monza an lenchilh ang.

Serie A match 16 an khelh tawh chinah Juventus hi tlawm loa kaltluang thei awmchhun an ni a, mahse an khingpui nen vawi 10 ngawt mai an inhnehtawk tawk, point 20 an paih tawh tihna a ni a, table-ah parukna dinhmun an luah.

Player a siaksawi ṭhin avangin mi ṭhenkhat chuan Motta hi an sawisel. Juve manager Motta chuan, "Khelmual chhunga lut tur chu 100%-in an an inpeih tur a ni a, inpeih famkim lo chu an inkhel thei lo, hei chu kalphung pangngai a ni.

"A dawt lehah chuan, kan khingpui tur a zirin kan khelh dan phung kan ti danglam ṭhin a, chimi mila khel tur chuan player ka thlang leh bawk ṭhin, hei chu manager dangte pawhin an tih ṭhin dan a ni," tiin a sawi.

Juventus manager hian Serie A an ngaipawimawh em em tih a sawi a, chutihrualin inelna dang pawh an ngaihthah thei chuang lo tih a sawi bawk.