Spain chakna Cesc Fabregas

Ningani zan khan Spain chuan an mikual Costa Rica chu Paco Alcacer leh Cesc Fabregas te goal khung hmangin 2-1 in an hneh.

Vicente del Bosque-a'n Manchester United goalkeeper David De Gea leh Barcelona player thar Aleix Vidal te khelmualah a luh tir.

Johan Venegas a goal kung hmangin minute nga na lekah Costa Rica-in hma hruai mah se minute sarihnaah Fabregas-a through ball dawng tu Alcacer-a'n Spain siphurh sut na goal a khung ve nghal. Kum 21-a upa Va­lencia striker Alcacer-a'n an ram Spain tan match ruk a khelh aṭangin goal li a khungna chiah a ni.

Barca wing back Vidal leh winger Nolito ten ball an inpek kual hnuah Spain tan Chelsea midfielder Fabregas chuan chawlh lawk hmain goal khat a khung bawk.

Pathianni khian Spain hian Euro 2016 qualifying-ah Belarus an hmachhawn dawn a, Costa Rica an hneh vang hian an phur sawt ang. Bosque-a naute hi Group C-ah awmin group hmahruaitu Slovakia chu point thumin an pha lo mek.