2016 Euro Qualifiers Rooney-a'n record a siam ang em?

England-in Pathianni zan 9:30 khian Stozice Stadium-ah Slovenia an hmachhawn dawn. Roy Hodgson-a hote hi Group E hmahruaitu ni turin match nga an khelh tawhah an la chak vek a, FIFA World Cup zawhah hneh loh an la tawng lo.

Captain Wayne Rooney chuan ram tan goal 47 a khung tawh a, Sir Bobby Charlton record tluk pha turin goal hnih chauh a mamawh tawh a, record siam turin hattrick a siam a ngai. England hian an match hnuhnung berah Republic of Ireland chu friendly match-ah goal awm loin an draw a, hemi ṭum hian Liverpool midfielder Manchester City nena sawi zawm Raheem Sterling chu entu ṭhenkhatin au nawmnah mah se coach Hodgson-a'n a rin zel tur thu a sawi.