Myanmar tan Hruaia

2018 FIFA World Cup Qualifier Ningani zana inkhelah Myanmar leh Laos 2-2 in an in­hnehtawk a, Myanmar keeper chu Mizo tlangval Vanlalhruaia a ni.

Hruaia hian MPL1 champion Dinthar FC tan a khel tawh a, Shillong club Arhima (Rangdajied FC) tan a khel tawh bawk. Mizoram aiawhin ṭum hnih a fehchhuak tawh a, Assam (2011) leh Odhisa (2012) ten Santosh Trophy an thlen ṭum khan Mizoram keeper a ni.

Kum 24-a upa Hruaia hian Shillong club tana a khelh hnuah Myanmar club Nay Pyi Taw tana khel turin a haw a, tunah hian Ayeyawady United tan a khel mek.

Myanmar hi Group G-ah Kuwait, Laos, South Korea leh Lebanon te nen awm a, point khat hmuin table-ah pathumna an ni.