Talchhuah dan kan zawn a ṭul - Pep

Manchester City an talbuai chhunzawm zel a, Inrinni zan khan Aston Villa chu khualmualah 2-1 in an hneh lo. Pep Guardiola hote hi match hnuhnung 12-ah vawi khat chiah an chak a, vawi kua an chak lo!

Villa Park-ah City mangchhia belhchhah turin an academy chhuak Morgan Rogers an ngam lo. Kum 22 mi Rogers hian minute 16-naah Jhon Duran-a goal khung tur a siamsak bakah minute 65-naah goal a khung bawk.

City-in injury time-ah Phil Foden hmangin khung mah se result a danglam phah lo. Guardiola hoten inkhel an thunun thei lo a, 2-0 a an hnufual lai pawhin Villa an tibuai thei meuh lo. Erling Haaland pawh Villa tlarhnung hmaah a nungcha a ṭha hle.

Guardiola chuan, "Kan kutah engkim a awm. Insiamṭha tur chuan player-te chhawr theih veka an awm a pawimawh. Tunah chuan centre back pakhat chiah a dam a, a harsa a ni. Kan inkhelh leh tura chak kan tum a, a bak kan thlir thui lo. Talchhuah dan kan zawn a ṭul," tiin a sawi.