Usyk-a'n a vawi hnih nan Fury a hneh

Tyson Fury a tlawm leh ta - a vawi hnih nan Oleksandr Usyk nen nimin khan an inhmachhawn a, judge pathumten Ukrainian boxer hi 116-112 in chak zawkah an puang vek.

May thla khan boxer pahnih hi an lo intawng tawh a, split decision hmangin Usyk a chak - Ukrainian boxer hian WBA (Super), WBC, WBO, IBO leh The Ring heavyweight title a kawl laite chu a humhim a, heavyweight-a kawnghren kawl theih a kawl kim vek tihna a ni!

Usyk tan vawi 23 fight a hmachhawna vawi 23 a chakna a ni a, kum 37 mi boxer chuan, "Fury hi boxer ropui tak a ni a, khingpui ropui tak a ni. Ka career-a round 24 ropui ber pawl a ni a, ka lawm takmeuh a ni," a ti.

Fury-a'n ring chhungah interview pawh nei loin a chhuak nghal a, mahse, a hnuah media hmachhawnin, Fury chuan, "Judge-ten Usyk kha Krismas thilpek an pe a ni," a ti a, Usyk chu duhsakna avanga chakah a ngai.