Blasters leh NorthEast chak
Kerala Blasters-in coach Mikael Stahre ban an ngeih a, Swedish coach an ban hnua an match hmasa berah Mohammedan SC chu 3-0 in an hneh. Blasters tan Bhaskar Roy (own goal), Noah Sadaoui leh Alexandre Coeff ten goal khat ṭheuh an khung a, Mohammedan-in chhanletna tur an nei lo.
Blasters tan Freddie Lallawmawma'n inkhel bul ṭanin, R. Lalthanmawia chu bench aṭangin a lut a, Kolkata club tan Zodingliana Tochhawng, Joe Zoherliana, Vanlalzuidika Chhakchhuak leh Lalremsanga Fanai ten inkhel bul an ṭan a, bench aṭangin Rochharzela a lut bawk.
Thawhṭanni zan ISL-ah NorthEast United chuan 5-2 in Hyderabad an hneh bawk. Hyderabad lam hian Edmilson Correia-a goal hnih hmangin, 2-0 in hma an hruai hman a, mahse, Highlander hian Guillermo Fernández goal hnih, Lenny Rodrigues (own goal), Alaaeddine Ajaraie leh Alex Saji (OG) hmangin an chhanglet a, 5-2 in an chak daih - Hyderabad tan Ramhlunchhunga chu bench aṭangin a lut.
| # | Team | Pld | W | D | L | GF | GA | GD | Pts |
| 1 | Mohun Bagan SG | 12 | 8 | 2 | 2 | 23 | 12 | 11 | 26 |
| 2 | Bengaluru | 12 | 7 | 3 | 2 | 23 | 15 | 8 | 24 |
| 3 | Goa | 12 | 6 | 4 | 2 | 23 | 16 | 7 | 22 |
| 4 | Mumbai City | 12 | 5 | 5 | 2 | 15 | 13 | 2 | 20 |
| 5 | Odisha | 12 | 5 | 4 | 3 | 25 | 17 | 8 | 19 |
| 6 | NorthEast United | 12 | 5 | 3 | 4 | 26 | 20 | 6 | 18 |
| 7 | Punjab | 11 | 6 | 0 | 5 | 19 | 15 | 4 | 18 |
| 8 | Jamshedpur | 11 | 6 | 0 | 5 | 16 | 22 | −6 | 18 |
| 9 | Chennaiyin | 13 | 4 | 3 | 6 | 17 | 19 | −2 | 15 |
| 10 | Kerala Blasters | 13 | 4 | 2 | 7 | 22 | 24 | −2 | 14 |
| 11 | East Bengal | 12 | 4 | 1 | 7 | 13 | 16 | −3 | 13 |
| 12 | Hyderabad | 12 | 2 | 1 | 9 | 9 | 25 | −16 | 7 |
| 13 | Mohammedan | 12 | 1 | 2 | 9 | 5 | 22 | −17 | 5 |