A chung bera Krismas hmang tur Liverpool
Pathianni zan khan Premier League inkhelah Chelsea-in 0-0 in Everton chu khualmualah 0-0 in an inhnehtawkpui a, anmahni hnaih bertu an chak zawh loh avangin Liverpool-in an inkhelh hma hauhin, table chung ber luah chungin Krismas an hmang dawn tih an hre tawh.
An thil hriat vang erawhin Reds an insum duh lo a, Tottenham Hotspur lakah goal ruk ngawt an khung - an mikhualna ramah 6-3 in an chak a, pahnihna Blues aia point lia sangin, match khatin an khel tlem zawk bawk.
Reds hian 5-1 in hma an hruai hman zawk hial - Luis Diaz leh Alexis Mac Allister hmanga 2-0 a hma an hruai hnuah, James Maddison chuan mawi zetin si phurh a sut ṭhen a, Spurs hian beiseina an nei hman.
Mahse, Liverpool-in Dominik Szoboszlai leh Mohamed Salah goal hnih hmangin an vaw let zui a, 5-1 a ni. Liverpool tlarhnung a nghing ve tho a, Dejan Kulusevski leh Dominic Solanke ten London club tan beiseina an siam.
Mahse, hun tawp nan minute nga chiah awm tawh tihah Diaz chuan a khung ve leh a, 6-3 in Liverpool an chak chiang. Salah-a'n goal hnih a khung bakah assist vawi hnih a nei tel a, tun season inelna hrang hrangah match 24 khela goal 18 khungin, assist vawi 15 a nei tawh.
Salah hian league bikah goal 15 leh assist 11 a nei a, Premier League chanchina Krismas hmaa goal leh assist 10 aia tam ve ve nei tling thei hmasa ber record a siam.
| # | Team | Pld | W | D | L | GF | GA | GD | Pts |
| 1 | Liverpool | 16 | 12 | 3 | 1 | 37 | 16 | 21 | 39 |
| 2 | Chelsea | 17 | 10 | 5 | 2 | 37 | 19 | 18 | 35 |
| 3 | Arsenal | 17 | 9 | 6 | 2 | 34 | 16 | 18 | 33 |
| 4 | Nottingham Forest | 17 | 9 | 4 | 4 | 23 | 19 | 4 | 31 |
| 5 | Bournemouth | 17 | 8 | 4 | 5 | 27 | 21 | 6 | 28 |
| 6 | Aston Villa | 17 | 8 | 4 | 5 | 26 | 26 | 0 | 28 |
| 7 | Manchester City | 17 | 8 | 3 | 6 | 29 | 25 | 4 | 27 |
| 8 | Newcastle United | 17 | 7 | 5 | 5 | 27 | 21 | 6 | 26 |
| 9 | Fulham | 17 | 6 | 7 | 4 | 24 | 22 | 2 | 25 |
| 10 | Brighton & Hove Albion | 17 | 6 | 7 | 4 | 27 | 26 | 1 | 25 |
| 11 | Tottenham Hotspur | 17 | 7 | 2 | 8 | 39 | 25 | 14 | 23 |
| 12 | Brentford | 17 | 7 | 2 | 8 | 32 | 32 | 0 | 23 |
| 13 | Manchester United | 17 | 6 | 4 | 7 | 21 | 22 | −1 | 22 |
| 14 | West Ham United | 17 | 5 | 5 | 7 | 22 | 30 | −8 | 20 |
| 15 | Everton | 16 | 3 | 7 | 6 | 14 | 21 | −7 | 16 |
| 16 | Crystal Palace | 17 | 3 | 7 | 7 | 18 | 26 | −8 | 16 |
| 17 | Leicester City | 17 | 3 | 5 | 9 | 21 | 37 | −16 | 14 |
| 18 | Wolverhampton Wanderers | 17 | 3 | 3 | 11 | 27 | 40 | −13 | 12 |
| 19 | Ipswich Town | 17 | 2 | 6 | 9 | 16 | 32 | −16 | 12 |
| 20 | Southampton | 17 | 1 | 3 | 13 | 11 | 36 | −25 | 6 |