Saka a chawl rei dawn

Arsenal manager Mikel Arteta chuan a player pawimawh Bukayo Saka chu malpui hliam vangin a chawl rih dawn tih a sawi a, a rei lo berah chawlhkar riat chhung vel chu a chawlh a ngai dawn a ni.

England international hi Gunners leh Crystal Palace inkhelh tumin a inhliam a, a hliam hi endik niin a chawlh chen tur hi a chiang.

Kum 23 mi Saka hi tun season inelna hrang hrangah match 24 a khelh atangin goal kua khungin a thiante khung tur vawi 13 a siamsak tawh bawk a, a hmunruak hnawh khah a harsa in a rinawm.

Arteta chuan, "A dinhmun a tha lo, hetiang thil hi tawn duh lo viau mah ila kan chungah a lo thleng miau mai si a, a dam leh thuai theih nana puih chu kan tih theih a ni," a ti.

Arsenal hian kumina an Premier League match hnuhnung ber atan December 27, Zirtawpni zanlaiah Ipswich Town an mikhua ang.