Punjab khelmualah Bagan

Indian Super League pawh Krismas urlawk zan leh Krismas an chawlh hnuin, zanin aṭangin khelh ṭan a ni ve leh dawn a, Punjab FC chuan zan dar 7:30 hian Mohun Bagan an mikhual ang.

Lalengmawia Ralte (Apuia) kawltu Bagan hian ISL table chung ber an luah mek a, an hmahruaina dinhmun erawh vawi khat chetsuala inthlak thei reng a ni - pahnihna Bengaluru aiin point hnih chauhin an sang mek.

Hei vang hian Bagan-in chetsual an duh dawn lo a, Mizo player awm lohna Punjab club lakah chak ngei an inbeisei ang.