Champion lo tur Chelsea?

Enzo Maresca-a'n nomawi chawi thei dinhmuna an la din loh thu a sawi fo a, an coach thusawi dikna hi Blues player-ten Ningani zanah an tarlang - Fulham lakah 2-1 in an tlawm a, hmahruaitu Liverpool an hlat ta hle.

Chelsea tan thiampuipa Cole Palmer chuan goal hmahruai khung mah se, Stamford Bridge-ah Fulham an tlawm duh bik lo. Minute 82-naah Harry Wilson chuan si phurh sutna goal khungin, hun pek belhah Rodrigo Muniz chuan chakna goal a khung zui.

Fulham tan kum 45 chhunga Stamford Bridge-a an chak hmasak ber a ni a, Palmer tan erawh record ropui a siam zan chu zan lungchhiatthlak a chang - English midfielder hian kum 2024-ah Premier League goal 26 a khung a, Jimmy Floyd Hasselbaink (2001) hnua Blues player, kum khaa EPL goal heti zat khung thei hmasa ber ni mah se, a team a chakpui zo tlat lo.