Barca tan Olmo khel thei tawh dawn lo

La Liga club Barcelona-in tun hnaiah result an nei ṭha hleithei lo a, khelmual pawnah an talbuai zui - nipui transfer-a an lakluh Dani Olmo chu January hnu lamah Catalan club tan a inlan thei tawh dawn rih lo.

Kum 26 mi Olmo hian nipui lai khan RB Leipzig aṭangin Barca hi euro maktaduai 60-in a zawm a, mahse, sum lama talbuai Barca hi La Liga dana player hlawha hman phal chin leh an sum lakluh a inmil lo a, Spain international hi season chanve atan chuan ziah luh phalsak a ni.

Hetih chhung hian Barca hian an buaina an chingfel hman lo a, Olmo hming an ziah luh theih chen chu kuminah hian a tawp dawn. Barca hian Olmo an chhawr chhunzawm theih nan court lam an pan a, mahse, court hian La Liga dan chu zahsakin, Barca dilna hi an lo hnawl a ni.