Novak Djokovic-a'n Olympic medal a duh
World number 1 Novak Djokovic chuan Rio Olympic-ah Serbia tan gold medal dawn theih ngei a inbeisei thu leh pakhatna nih a chak thu a sawi chhuak.
Grand Slam vawi 12 champion tawh Djokovic hian major title zawng zawng chu la tawh mah se kum li dana neih Summer Olympic-ah a la hlawh tling lo, 2008 Beijing-ah khan bronze medal lain 2012 London-ah khan medal a dang phak lo thung. Tuna a kum ngaihtuahin tun-
ṭum hi Olympic-a a hun--
ṭha neih hnuhnung ber a ni tawh maithei.
Kum 29-a upa Djo-kovic chuan, "Olympic gold medal lak theih hi ka thiltum lian ber pakhat a ni a, he chawimawina hi ka dawng ve thei a nih ngat chuan ka tan a hlu zual bik ang. Serbia tan gold medal la ta ila tennis ka khelh hun chhunga ka duhthusam a kim hial ang," tiin a la hlawhltin ngaih lohna hmun a dahsan thu a sawi.
ATP ranking-a a sang 10 zinga panga - Roger Federer, Stan Wawrinka, Milos Raonic, Tomas Berdych leh Dominic Thiem zet chu Rio-ah hian an inlan dawn lo. Switzerland star Federer leh Wawrinka te hi chuan hliam an neih vang niin midang erawh hrileng mek Zika an hlauh vang a ni thung.
Serbian thlangval chuan, "Player langsar
ṭhen-khat an inhnukdawk hian min barakhaih hle a, ka beisei loh thil a ni. Mahse, an duhthlanna chu ka zah sakin ka sawisel theih a ni lo thung," tiin hrileng hlauh vang ngawta Olympic an khel lo tur chu mak a tih thu a sawi.
Sawi chhunzawmin, "Player langsar leh tun season-a khel ṭha taka tak inlan tur an tam a, Olympic-a hnuhma nei ṭha an kal khawm dawn miau avangin inelna hautak tak a ni dawn tih ka chiang," a ti.
2008 Beijing gold medalist Rafael Nadal, 2012 London champion Andy Murray leh karhmasa Rogers Cup final-a a hneh tak Kei Nishikori te nen medal an inchuh dawn avangin Djokovic hna hi a awlsam bik lo ang.
Kumina hnuhma dang-lam a tawn tawh aia hma hun a ngaih pawimawh thu sawi zuiin, "French Open-ah a vawi khat nan ka champion a, major title ka kawl khawm vek bawk. Mahse, Wimbledon-ah erawh beisei phak loin ka nomawi ka hloh. Thil thleng hian chhan a nei zel a, ka chak lohnaah insiam-
ṭhain tunah chuan hmahun ka en a ṭul tawh zawk," a ti.