Roma-ah a nghetin Salah

Chelsea winger Mohamed Salah chuan loan-a hun a hman mekna Roma-ah a ngheta khel turin contract a ziak. Egypt international man zat hi tarlan ni lo mah se pound maktaduai 16 bawr vel ni tura ngaih a ni.

Kum 24-a upa winger hian January, 2014 khan Basel aṭangin Chelsea hi a zawm a, Premier League-ah match 13 chiah a khel hman tihin Fiorentina lamah loan-a kaltir a ni. Italian club tan vawi 26 inlana goal kua a khungsak hnuah Serie A club vek Roma-ah hian nikum nipui lai khan loan-in a chhuak.

Season hman zawh takah khan Roma tan inelna hrang hrangah match 42 khelin goal 15 a khung sak a, ram tan vawi 42 inlanah goal 25 a khung ve tawh bawk.