Villa player manto pahnihna McCormack

Premier League aṭangin tla mah se Aston Villa-in English league sang ber khelh lehnghal an tum tih a chiang a, Championship lama an elpui tur Fulham aṭangin Scotland striker Ross McCormack chu pound maktaduai 12-in an lalut.

Kum 29-a upa McCormack hi Norwich City nen sawi zawm ni mah se Villa tan hian kum li daih contract a ziak. Kum 2014 khan McCormack hian Leedes aṭangin pound maktaduai 11-in Fulham hi a zawm a, league match 89 a khelh aṭanga goal 38 khungin Championship lamah chuan tawnhriat a nei ṭha hle.

Kum 2011 Janury thla khan Villa hian pound maktaduai 18-in Darren Bent an lo lalut tawh a, England striker hi an club chanchina player manto ber a ni. Kum 2009 khan Middlesbrough duhlai Stewart Downing chu pound maktadui 12-in Villa Park-ah lo senglut tawh bawkin Downing leh McCormack man hi a inzat a, an club chanchinah an player manto pahnihna an ni.

Aston Villa boss Roberto di Mat-teo chuan, "Ross hian Cham-pionship-ah tawnhriat a ngah tawh avangin kan lalut thei hi a lawmawm a, team ti chaktu leh hmasawnna thlentu a nih ngei ka beisei," tiin a striker thar lakah beiseina a nei sang hle.