Rooney testimonial match-ah goal a lut lo

August 3 zan khan Old Trafford-ah Manchester United leh Everton ten Wayne Rooney testimonial match an khelh a, goal awm loin an inhnehtawk.

Inkhelh ṭan hmain Rooney hi a fapa pathum Kai (kum ruk), Klay (kum thum) leh Kit (thla sarih) te nen khelmualah rawn lutin guard of honour pek a ni a, minute 50-naah United captain hi Marcus Rashford-a'n rawn thlakin entu mipui 58,597 in a chhuah lai hian standing ovation an pe.

Jose Mourinho chuan Old Traf-ford-ah a vawi khat nan United a enkawl a, player thar Zla-tan Ibrahimovic leh Eric Bailly ten inkhel bul ṭanin Henrikh Mkhitaryan pawhin bench aṭangin a rawn inlan ve bawk.

Inkhel entu zingah Everton aṭanga Manchester United-a Wayne Rooney laluttu Alex Ferguson a awm a, English striker hian August 31, 2004-a United a zawm hnuin match 520-ah goal 245 a khung tawh. Sir Alex bakah hian Everton leh United-a Rooney enkawltu David Moyes leh England manager thar Sam Allardyce a awm bawk. Rooney hian ram tan match 115-ah goal 53 a khung tawh.

Rooney hian Premier League title panga la tawhin Champions League, FA Cup leh FIFA Club World Cup nomawi vawi khat
ṭheuh chawi tawhin League Cup-ah vawi hnih a champion tawh bawk.

Pathianni zan dar 8:30 hian United-in Community Shield-ah Leicester City an hmachhawn dawn a, he inelnaah English striker hi vawi thum a chak zawk-ah a ṭang tawh.

United captain Rooney chuan, "Kei leh ka chhungte tan zan ropui tak a ni a, ka career-a hun pawimawh ber te zinga mi a ni a, ka theihngilh ngai lo ang," tiin a sawi.

Tute nge inlan?

United: De Gea (Romero 64'), Valencia (Darmian 64'), Bailly (Jones 46'), Blind (Mata 64'), Shaw (Rojo 46'), Carrick (Schneiderlin 46'), Herrera (Fellaini 46'), Lingard (Young 46'), Rooney (Rashford 53'), Martial (Mkhitaryan 46'), Ibrahimovic (Memphis 64'). Sub inlan lo: Johnstone.

Everton: Stekelenburg (Joel 46'), Coleman, Baines (Oviedo 65'), Funes Mori, Stones, Holgate (Besic 65 (Davies 77')'), McCarthy (Gibson 65'), Barry (Cleverley 65'), Barkley (Lennon 65'), Deulofeu (Mirallas 46'), Lukaku (Kone 65'). Sub inlan lo: Galloway.