Police an hrang

Nimin khan Rajiv Gandhi Stadium, Mualpuiah MFA Super Cup 2016 third round khelh ṭan a ni a, match hmasa berah Mizoram Police chuan Electric FC chu 9-2 zetin an sawp.

Mizoram Premier League aṭangin tla mah se Police-in thawhleh an tum tih a chiang a, Aizawl FC a an chhuahtir Lalbiakhlua leh F. Lalrinpuia te bakah Lalfakawma te chuan goal hnih ṭheuh an khung a. Midfielder ṭha V. Lal-
ṭanpuia, Lalṭhafamkima, R .Vanlalhriata, Rorelliana leh Lalhmingliana Kawlni te chuan goal khat ṭheuh an khung bawk.

Inkhel hnuhnung zawkah Aizawl khaw pawn team ṭha pahnih an inhmachhawn a, Keifang tan inkhel ṭantirh a V. Lalthlamuana goal khung chu Tuidam tan Jerry Lalrinfela'n sutin penalty shootout-ah Tuidam 4-2 in an chak zui. Aizawl FC Academy hnehtu Tuidamin MPL club an hmachhawn thei dawn a, hei hi Aizawl veng tam tak theih loh a ni.