Chinese sumdawng kutah West Brom

West Brom chairman Jeremy Peace chuan Pre^-mier League club-a neitu a nihna 88% chu Chinese sumdawng pawl Yunyi Guokai Sports De-velopment Limited hnenah a hralh a, Financial Conduct Authority leh Premier League lamin an pawmpuina chiah nghah a ni tawh.

Peace hian June 2008 khan West Brom hralh tumna a lo nei tawh a, Baggies a hralhna man zat hi puanzar ni lo mah se pound maktaduai 150 bawr vel ni tura ngaih a ni. Kum 14 chhung Baggies chairman lo ni tawh Peace hmunruakah hian Blackburn chief executive hlui John Williams chu a awm dawn a ni.

West Brom leitu sum-dawng hausa Guochuan Lai chuan, "Ka tana pawimawh hmasa ber chu he club kalpui a nih dan leh kalphung nghet a lo neih tawhte zahsak a ni a, ka ngaihdanah chuan team ṭha tak, coaching staff
ṭha tak enkawlna hnuaiah kan nei mek a ni," tiin management lam siksawi a tum hmel loh hle.