Roma-ah Arsenal goalkeeper Szczesny

Arsenal goalkeeper Wojciech Szczesny chuan season hmasa lama loan hmanga a lo khelh tawhna AS Roma chu season khat chhung atan loan thoin a zawm leh.

Kum 26-a upa Szczesny hian season hmasa khan Roma tan Serie A match 34 a khel a, a club hi league-ah pathumna nih puiin champion Juventus leh Napoli te an tluk lo.

Poland interanational hian kum 2002 khan Gunners-ah a senior career bul ṭanin North London club tan hian match 181 a khel hman. FA Cup-ah vawi hnih champion puiin 2013-14 season khan Petr Cech nen Golden Glove hlan an ni nghe nghe.

Szczesny hi keeper beiseiawm tak ni mah se Arsene Wenger-a'n season hmasa ṭan dawn khan Chelsea aṭangin Petr Cech a lalut a, Colombia international David Ospina a la awm bawk avangin Szczesny tan Arsenal-ah hmun a awm rih meuh lo a ni.

Luciano Spalletti team a zawm thei chu a lawm thu sawiin, "Season hmasa khan Roma-ah hian hun nuam leh hlimawm tak ka lo hmang tawh a, coach-in an hnena khel chhunzawm leh tura min duh hi ka lawm hle. Kum liamta aia ṭha zawka ka khelh chhuah theih ngei ka beisei," a ti.