Thla ruk chawl tur Besic

Everton midfielder Muhamed Besic chu a khup na vangin thla ruk chhung a inkhel thei dawn lo. Bosnia international hi kumin chhungin Premier League-ah a hmel kan hmu hman dawn lo tihna a ni.

Kum 23-a upa Besic hian 2014 July thla khan Ferencvaros aṭangin pound maktaduai 4-in Toffees hi a zawm a, season hmasa khan league match 17-ah a inlan.

Nilaini zana Old Trafford-a Manchester United nen Wayne Roo-ney-a testimonial match an khelhah khan inlanin minute 12-naah a hliam vang hian lakchhuah a ni.

Manager Ronald Koeman-a'n tun nipui chhunga Aston Villa aṭanga pound maktaduai 7.1-a a lakluh Idrissa Gueye tan inkhelhna hmun a inhawng zau sawt tura ngaih a ni.