Swansea leh Llorente inrem

Premier League club Swansea City chu Fernando Llorente lalut turin La Liga club Sevilla nen an inrem tawh a, Spain international leh club lam hi mimal thilah pawh an inrem tawh bawk.

Kum 31-a upa Llo-rente hian Europa League champion tan hian kum hnih daih contract a la nei a, mahse Spain striker hian an ram club tana a contract hman zawh ai chuan England pan a thlang, nimin khan medical test neiin he thu i chhiar lai hi chuan contract an ziak fel tawh mai thei.

Striker palian hian Spain tan match 24 a khelh aṭangin goal sarih a khung tawh. Club lamah chuan Athletic Bilbao
ṭangin kum 2013 khan Juventus a zawm a, Italy-ah kum hnih hun a hman hnuin an ramah a kir leh. Season hmasa khan Sevilla tan inelna hrang hrangah match 36 khelin goal sarih a khung.

Swans chairman Huw Jenkins chuan tunkar tir lam khan player thar an lakluh thuai a beisei thu a lo sawi tawh a, Llorente hi a chhanna ni tura ngaih a ni. Ani bakah hian Premier League champion Leicester City aṭangin Argentine striker Leonardo Ulloa chu an thlithlai uluk hle nia sawi a ni bawk.