Pacman a lo kir dawn

April-a Timothy Brad-ley a hneh hnua boxing a chawlhsan thu puangtu Manny Pacquiao chuan boxing khawvel a luhchilh leh dawn, he thu hi Pacquiao manager Michael Koncz chuan a puang - November 5 khian WBO welterweight champion Jessie Vargas nen an inhmachhawn ang.

Filipino boxer promo-ter Bob Arum chuan thla hmasa khan Pacman hi boxing khel tura a lo kir leh tur thu a lo sawi tawh a, tunah a manager-in a chian thu a sawi ve leh ta a ni.

Weight division hrang pariata champion thei Pac-man-a manager chuan, "Tun dinhmunah chuan chawlh leh Manny hi a in-hmeh thlawt lo a ni. Boxing hi a thisenah a bet tel tlat a, a training lai en chuan a thlunna phelh ang mai a ni ṭhin a, a hmelah hian hlim hmel hmuh tur a awm ṭhin," a ti.

Pacquiao leh a team-te hi August 10-ah an inhmuhkhawm ang a, kum 26-a upa Vargas hi Los Angeles-ah nge Dubai-ah a hmachhawn dawn tih an ngaihtuah dawn a ni. Pacman hma--chhawn tur Vargas hian vawi 28 inhnek a hma-chhawnah vawi 27 hnehna a chang thei a, a khingpui zinga 10 chu knockout hmangin a hneh.

Kum 37-a upa Pac-quiao hian boxing a chawlh-san thu a puan khan politics-ah insawrbing a tum thu a sawi a, May khan Senate of the Philippines (Philippines rorelna sang)-ah member ni tura thlan tlin a ni. Politics-a a tum ber a thlen takah chuan boxing lama kir leh turin thu--tlukna a siam leh ta niin a lang.